XII. mendeko azkeneko hamarkadan, Gaztelako Alfonso VIII. eta Nafarroako Santxo “Azkarra” erregeen arteko liskarrek, Nafarroa Erresumako mugaldeko herrixka batzuetan, istiluak, lapurretak eta sarraskiak eragiten dituzte. Ordura arte, arazo horietaz guztiez kanpo, bakean bizi zen Otxandio familiako kideek zorigaitza eta etsipena ezagutuko dute. Erasoaldi batean, haien herrixka suntsitu eta biztanle gehienak erailtzen ditu mertzenario talde batek. Ane eta Juantxo Otxandioren bizitzek aldaketa izugarria pairatuko dute di-da batean. Ezagutzen zuten mundua deuseztatu egiten baita une batetik bestera, eta askoz ere gordinagoa eta krudela bihurtzen zaie.