Zoragarria. Ez zait beste hitzik bururatzen. Nire eta Paradisu Zinemak liburuaren lehen aurkezpena zen ostiralekoa. Ordua hurbildu ahala, urduritzen hasi nintzen nahiz eta hurbileko pertsonei lasai nengoela esan. Zazpiak jo zutenean, baina, artegatasun guztia lurrundu eta gozatu baino ez nuen egin. Familia, lagunak, herritarrak… Plazer hutsa izan zen areto betean liburuari buruzko zertzelada batzuk ematea, sinatzen egotea eta, gutxi bazen ere, denekin hitz egin ahal izatea.

Eskerrik asko hurbildu zineten guztioi eta aurkezpena prestatzen lagundu zenidatenoi.